جلست كعادتي اليومية بمقهي وادي النيل احتسي كوبا من الشاي ابو نعناع وأدخن اطنانا من المعسل.....فلفتت نظري قائمة الاسعار مكتوب عليها
مقهي وادي النيل_9 ميدان التحرير
فسرحت في العنوان الشاعري فأذا بي اسمع جلبة خارج القهوة وخطر لي في بادئ الامر مظاهرة للأحتجاج علي الغلاء او للأحتجاج علي اي شئ اخر ولكن حينما رأيت الناس يمرون امام القهوة مهرولين خرجت لألقي نظرة لأجد مجموعة من البلطجية حاملين السيوف والسنج والمطاوي في معركة ذكرتني بأفلام الفتوات......
وكالعادة امناء الشرطة اللي بيتشطروا عالغلابة بطلب البطاقة وفرض الاتاوة واقفين مستخبيين من اللي بيحصل........علي ما وصل الظباط ووقفوا حيرانين ازاي يفضوا العركة ووقفوا شوية كمان يتحايلوا علي واحد انه يرمي المطوة كنت انا طبعا بصور كل دا........جة عليا ظابط وحاول خطف التليفون من ايدي وقالي: بتصور اية انتا
طبعا في مواقف زي دي لو عملت مصري هاخد بالجزمة فبألهام قلتلة اش فيك انتا اصور اللي بدي اياة
وشديت التليفون وجريت منة فبعت ورايا اتنين لابسين ملكي
المهم عرفت ازوغ منهم
ووقفت من بعيد اراقب اللي بيحصل .....وصلت عربية اسعاف وسمعت كلام داير عن الجثة اللي بينقلوها في عربية الاسعاف
وجاري تحميل الفيديو الان
Subscribe to:
Post Comments (Atom)
No comments:
Post a Comment