صحيت متضررا من النوم الساعه السابعة صباحا العن اليوم الذي فكرت فيه ان اتعلم
اشعلت اول سيجارة لي في هذا اليوم وارتديت ملابسي قاصدا الكلية
ركبت الميكروباص اذا به استغل فرصة عدم وجود ميكروباصات اخري وغلي الاجرة 50 قرشا
فما فعلت سوي اني دفعتها بأعتبار انها ساعة صبحية والعملية مش مستحملة
انطلق المدعو ميكروباص يتخبط في الشوارع واحسست احساس من يركب اي لعبة محترمة في ملاهي فالكراسي مهدمة والميكروباص من مخلفات الحرب العالمية الاولي
ما ان سار هذا الميكروباص مسافه عشرون مترا حتي اوقفة امين شرطة وكأنة بلطجي يطلب منه الأتاوة
فأذا بالسائق يخرج عشرة جنيهات ويعطيها له فنظر الامين بأحتقار للعشرة جنيهات وقال
ايه ده عشرة جنية بس .....انتا خ*ل ياض دنا معايا ظابط واتنين زمايلي عشرة جنية ايه دي
فرد السائق :يا باشا لسة مصطبح وهشوفك الدور الجي صباح الفل
ياسطي اطلع ورانا اشغال كانت جملة من شخص احمق وكأنة اول مرة يركب ميكروباص فما كان من السائق غير قولة
يعني اطير يعني مديك شايف الدنيا زحمة ازاي
خلاص ياسطي صباحك زي العسل
خلاص ياسطي نهارك ابيض
كانت من ركاب اخرين
نظر لنا السائق بأحتقار وكمل طريقة
بعد عناء مع الميكروباص وعناء مع الشوارع وصلت كالعادة متأخرا عن المحاضرتين الاولتين
ووجدت ان لا يوجد في الجدول سواهما
فأبتسمت وخرجت لأواجة نفس المصير مع سائق اخر
وصباح الفل
No comments:
Post a Comment